Мајкл Џоунс Јуниор (38) од Флорида ја убил својата жена и четирите мали деца, шест недели ги чувал нивните тела во семејната куќа, а потоа одлучил да ги пренесе во американската сојузна држава Џорџија и таму да ги фрли телата.

Кејси Џоунс (32) и нејзините деца, на возраст од една до 10 години, последен пат биле видени пред шест недели во оградот Окалио во областа Марион.

'True evil': Father who is accused of killing his wife and four children, and then storing their bodies in his Florida home for SIX weeks before driving to Georgia to dump their remains, is caught after crashing his van#tcot
https://t.co/8eXMnr6hSM via @MailOnline

— Deporables Won! (@SensibleOne) September 17, 2019

Семејството на Кејси го пријавила исчезнувањето во сабота навечер, информирала полицијата, додавајќи дека не е јасно зошто исчезнувањето не е пријавено од порано.

Кој знае како би се извлекол Џоунс да не доживеал сообраќајка несреќа во округот Брентли во Џорџија во саботата навечер. Лев Стрикленд берел јаболка во близина кога слушнал силно трескање. Човекот сфатил дека се случила несреќа и истрчал да помогне, но како што се доближувал до комбето, така чувствувал ужасен мирис.

The husband is believed to have killed all five victims at their home in Florida, according to the Marion County Sheriff's Office. https://t.co/YAI3KrIcIu

— USA TODAY (@USATODAY) September 17, 2019

– Никогаш не сум почувствувал таков мирис во животот – рекол Стрикленд на новинарката на „Си-Ен-Ен“. На прашањето дали имал претстава што има во комбето, тој рекол дека не знае.

– Човекот што возеше ми рече дека во комбето има тело и дека тоа смрди. Чудно се однесуваше – додава Стрикленд.

Кога стигнала полициската патрола, полицајците прво прашале каков е тој чуден мирис. а Џоунс ладно им одговорил: „Можеби сакате да ми ставите лисици бидејќи имам мртво тело во комбето“.

И навистина, полицајците во комбето го пронашле телото на Кејси. Џоунс признал дека телата на четирите деца ги фрлил во шума. Иако телата се уште не се идентификувани, полицијата верува дека тоа се остатоци од неговите деца, Камерон (10), Престон (5), Меракали (2) и Ајан (1).

Џоунс бил уапсен поради убиство, возење во суспендирана дозвола, бегање од правдата и други прекршоци, а функционерите велат дека на обвинението можат да бидат додадени уште неколку работи.

– Како родител, срцето ми крвари. Како полицаец, бесен сум и решен ова да го истерам до крај – изјавил шерифот Били Вудс.