„Summerland 2019“ – Фестивал во Градски парк со музика и активности за сите возрасти – Слободен печат
ВестиКултура

„Summerland 2019“ – Фестивал во Градски парк со музика и активности за сите возрасти

Отворањето на „Summerland" е во четврток, а забавната програма ќе се одвива секојдневно од 18.00 до 00.30.

Од четврти до 28 јули годинава првпат во Скопје ќе се одржи фестивалот „Summerland 2019″. Во Градски парк, со главна бина на Школка, секојдневно ќе има музичка програма и забавни активности за сите возрасти.

Покрај музичките изведувачи кои ќе настапуваат секој ден, во рамки на фестивалот ќе има и Fun зона со друштвени и видео игри, флипери, фудбалчиња и табла. За најмладите ќе има детско катче со едукативни и забавни настани, а предвидени се и изложби, цртање во живо, часови по танц, спортски активности, панел дискусии, кино на отворено и уште многу содржини.

Отворањето на „Summerland” е во четврток, а забавната програма ќе се одвива секојдневно од 18.00 до 00.30. Летната забава на Школка, во четврток ќе почне со групата „Нокаут“. Во петок ќе настапат ЕКВ, Бјиело Дугме Трибјут и Ѓорѓе Балашевиќ Трибјут, а во сабота и недела ќе има странски артисти кои прават светски шоуа со трибјути на Арктик Манкис и Џо Кокер и Ајрон Мејден и Металика.

Фестивалот „Summerland” е под покровителство на Град Скопје.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close