Актерката Софија Вергара издејствувала судска пресуда – забрана за приближување во траење од 5 години за маж кој тврди дека има „романтична и семејна врска со неа и нејзиниот син“.

Вергара, најпозната по улогата во серијата „Модерно семејство“, поднесе барање за забрана за приближување за себе и синот Маноло минатиот месец, откако тврдеше дека Грегори Арон Браун (34) повеќепати се движел во близина на нејзиниот дом во Лос Анџелес, пишува „Скајњуз“.

Во документите стои и дека Браун во ноември и испратил „вознемирувачко писмо“ во кое рекол дека има намера да ја најде и да биде со неа.

„Тој се занимаваше со следење и вознемирување, што сериозно ме нервира и вознемирува“, изјави Вергара.

„Постојаното, агресивно и вознемирувачко однесување и пораките на Браун се крајно вознемирувачки и ми предизвикуваат постојана анксиозност и емоционална вознемиреност“, додаде актерката.

Браун, исто така, беше осуден за вандализам во врска со имотот на Вергара во 2021 година, и му беше изречена затворска казна од 32 месеци.

Во средата, судијката Кристин Џеј Гононг го одобри барањето на адвокатот на Вергара за максимална забрана од пет години.