Репрезентацијата на Македонија ја совлада Германија во третото коло од квалификациите за Светското првенство и така ја оствари најголемата победа во историјата.

Поранешниот македонски репрезентативец и легендарен играч на Црвена звезда, Митко Стојковски вели дека овој успех не е случаен.

– Еуфоријата е голема. Медиумите, луѓето на улица и во кафулиња, сите само зборуваат за тоа. Да не беа коронавирусот и полицискиот час, сигурен сум дека народот ќе излезеше на улиците да ги пречека хероите на нацијата. Селекторот Игор Ангеловски направи одлична тактика и оствари голема победа, најголема за нашиот фудбал. Да бидеме јасни, Германија е сепак фаворит за првото место. Но, веруваме дека можеме барем да одиме во баражот, а потоа и на Светското првенство во Катар – рече стрелецот на легендарниот победнички гол на Звезда во 100 вечно дерби.

Воедно посакува на тој мундијалски пат да биде и нашиот најискусен репрезентативец, Горан Пандев:

– Горан најави дека после Европското првенство ќе ја заврши репрезентативната кариера. Ние мораме да го молиме да остане, да пробаме да одиме на Светско, па потоа нека заврши. Важен е играчки, но и како појава во соблекувалната.

Има харизма, искуство, и што е најважно, квалитет. Тој човек сè освои, желба му беше да направи успех со Македонија и се надевам дека ќе успее. За него можам да зборувам само во суперлатив – се зборовите на Стојковски за „Информер“.