Капитенот на Вардар, Стојанче Стоилов по поразот од неговиот тим од Брест Мешков во последното коло од групната фаза во Лигата на шампионите, имаше директна порака за своите соиграчи.

– Сакав да го анализирам овој натпревар, но тренерот на Мешков, нагласувајќи колку голем клуб е Вардар, откри некои поенти во својата анализа на кои сега јас сакам само да се надоврзам. Дури и тој му оддаде признание на Вардар како клуб дека и посебен и на начинот на кој треба да се игра е посебен. Некои од нашите играчи не можат да сфатат за каков голем клуб играат кога ќе излезат на терен. Не можат да разберат како се носи вардаровиот дрес. Ете тоа е нашиот најголем проблем. Толку, не сакам ништо повеќе да додадам – изјави Стоилов на прес-конференцијата по натпреварот.