Српската естрада дава илјадници евра за добра песна! Оваа пејачка „искеширала“ 30.000 евра, а заработила 300.000 евра! (ФОТО)
Српските ѕвезди се спремни да дадат огромна сума на пари само за да добијат хит. Кога станува збор за кариера и добра песна, пејачите и пејачките се спремни да „искешираат“ астрономски суми.
Најскапата песна на српската естрада ја има Ана Николиќ, а по неа доаѓа Адил Максутовиќ, Бобан Рајовиќ, Рада Манојловиќ, Аца Лукас и други…
Ана за песната „Ромале, ромали“ платила 30.000 евра. Николиќ со оваа песна учествуваше на Беовизија во 2006 година, а нумерата и денеска е хит. Сигурно пејачката не жали што му дала толку пари на авторот Кики Лесендриќ.
Колку е важно да се има добра песна, говори и тоа што Лесендриќ тврди дека поп-ѕвездата со таа песна заработила илјадници евра.
– Таа песна ми донесе 30.000 евра. Тоа не е голема сума ако се земе во предвид дека Ана со неа заработила 300.000 евра – изјавил Кики.
На второ место за најскапи песни е Адил Максутовиќ за песната „Лаку ноќ“. Тој на композиторот Саша Драгиќ за оваа песна му „искеширал“ 25.000 евра. Оваа песна важи за една од најубавите српски балади на сите времиња.
Пејачот Бобан Рајовиќ за песната „Усне боје вина“, која е негова лична карта платил 18.500 евра.
– Со таа песна заработив многу пари. Еве, „Автопат“ никој не ја слушнал, а платив 8.000 евра.
Рад Манојловиќ за песната „Пола два“ платила 10.000 евра, а за спотот да изгледа светски таа одвоила уште 20.000 евра, вкупно 30.000 евра.
– Песните се многу скапи, исто и спотовите. Без 10.000 евра не можеш ни да размислуваш да снимаш нешто. Колку пари вложив во кариерата, со тие пари ќе купев голем стан во центарот на Белград – изјавила Манојловиќ.
Дуетската песна „Омакло ми се“ на Аца Лукас и Ивана Селаков, заедно со спот ги чинела 15.000 евра. Ацо и Ивана направила вистински избор, бидејќи оваа песна им донесе многу пари – пишува Курир.рс.
