САД се први во светот според бројот на огнено оружје, со дури 120,5 оружја на сто жители, според извештајот на независната организација „Преглед на светското население“, со седиште во Соединетите држави за 2021 година.

Во рацете на цивилите во САД има законски регистрирано скоро 394 милиони оружја, што значи дека има повеќе оружје отколку луѓе, затоа што според ВПР, населението во САД има околу 333 милиони жители, пренесува Танјуг.

На веб-страницата на организацијата се вели дека многу граѓани во САД немаат оружје, додека, од друга страна, многумина поседуваат неколку оружја.

Според податоците на таа организација, од европските земји, Србија и Црна Гора имаат најмногу пријавено оружје по глава на жител, кое го делело петтото и шестото место на ВПР-листата, со 39,1 парчиња лично оружје на 100 жители.

На второто место на таа листа, по Соединетите држави, се Фокландските острови со 62,1 оружје на 100 жители, на трето место е Јемен со 52,8 оружја, а на четвртото е Нова Каледонија (42,5 парчиња).

Седмото и осмото место го делат Уругвај и Канада со по 34,7 оружја, Кипар е на 9-то место (34), а Финска е на десетто место (32,4 парчиња).

Босна и Херцеговина е на 13-то место со 31,2 цивилно оружје на 100 жители.

Кога ќе го погледнете вкупниот број на оружје, можете да видите дека жителите на Србија имаат 2.719.000 оружја, Црна Гора 245 илјади, а во БиХ тој број е 1.185.000.

Овие податоци се однесуваат само на оружје кое е уредно пријавено до надлежните институции, додека бројот на оние што не се пријавени, т.е. незаконското не може да се утврди со сигурност, бидејќи нема официјални записи за него.