Срби, Турци и Албанци биле најбројни странски туристи во Македонија во јануари
Србите, Турците, Албанците, Бугарите, Грците и Косоварите биле најчести странски гости во Македонија во јануари 2022 година, соопшти денеска Државниот завод за статистика, кој oбјави дека во Македонија во тој месец имало вкупно 39.335 туристи.
Од нив, 52.9 отсто се домашни туристи, а 47.1 отсто се странски.
Бројот на ноќевањата изнесува 87.107, од кои 56.5 отсто се од домашните туристи, а 43.5 отсто од странските туристи.
Вкупниот број на туристи во јануари 2022 година, во однос на јануари 2021 година, е зголемен за 40 отсто, а бројот на ноќевањата е зголемен за 33.9 отсто.