Екипата на Наполи во еден драматичен натпревар во најсилното италијанско првенство успеа да ја совлада Болоња со 3:2.

И на овој меч македонскиот репрезентативец Елиф Елмас не беше стартер, овој доби 20 минути од неговиот тренер Лучано Спалети.

Стратегот на клубот реагираше на претходната изјава на нашиот фудбалски „дијамант“ кој преку социјалните мрежи пред овој дуел објави „клупата е моја прв љубов“ сметајќи дека нема доволно минутажа оваа сезона.

– Фудбалерите од клупата во второто полувреме се покажаа како клучни во триумфот над Болоња, и повторно тие го сменија резултатот. Ова значи дека играчот како резерва може да има поважна улога, отколку да си во првите 11. Несомнено сите се вклучени во проектот на Наполи – рече Спалети.

Моментно на табелата во Серија А „наполитанците“ се на првото место со 26 бодови. Следниот меч во шампионатот ќе го имаат на 23 октомври на „Олимпико“ стадионот во Рим против Рома.

ФОТО | Елмас не е задоволен во Наполи, со последната објава го „пецна“ Спалети