Американскиот спринтер Грент Холовеј е нов светски рекордер на 60 метри со пречки. Холовеј рекордното постигнување од 7.29 секунди го оствари на митингот во Мадрид и за една стотинка го подобри светскиот рекорд кој дури 27 години беше во сопственост на Британецот Колин Џексон.

Холовеј со овој резултат за три стотинки го подобри својот личен рекорд од 7.32 секунди кој го постави на почетокот од месецов во Лиевен.
Во Мадрид дојде до конфузија бидејќи првично на беше објавено дека времето на Холовеј изнесува 7.32 секунди, но по неколку моменти беше поправено на 7.29 секунди, што е време на нов светски рекорд.

Грент Холовеј има 23. години и е светски шампион во дисциплината 110 метри со пречки од СП во Доха 2019 година.

Grant Holloway breaks world indoor 60m hurdles record in Madrid #WorldIndoorTour

Stunning hurdling from @Flaamingoo_ to clock 7.29 ?

?: https://t.co/zCi4oRJwyr pic.twitter.com/1oM4G3DKP2

— World Athletics (@WorldAthletics) February 24, 2021