Со живот го платија патот кон подобра иднина: Меѓу жртвите во „камионот на смртта“ имало десет тинејџери – Слободен печат
ВестиПланета

Со живот го платија патот кон подобра иднина: Меѓу жртвите во „камионот на смртта“ имало десет тинејџери

Нивните тела беа пронајдени во приколка во индустрискиот парк Грејс на 23 октомври. Асистентот на првиот човек на полицијата Тим Смит изјави дека процесот на индентификација на жртвите бил со огромно значење.

Како што вчера објавија властите во Англија, познат е идентитетот на сите 39 жртви со потекло од Виетнам кои загинаа во приколка-ладилник, а беа пронајдени во местото Есекс. Меѓу нив има и десет тинејџери, вклучувајќи и две 15-годишни момчиња, пренесе Би-Би-Си.

Нивните тела беа пронајдени во приколка во индустрискиот парк Грејс на 23 октомври. Асистентот на првиот човек на полицијата Тим Смит изјави дека процесот на индентификација на жртвите бил со огромно значење.

– Нашиот тим напорно работеше за да обезбеди одговори за загрижените семејства кои стравуваа дека нивните најблиски би можеле да бидат меѓу оние луѓе чие патешествие заврши на нашиот брег – рече Смит.

Тој додаде дека прироритет на полицијата било да се идентификуваат жртвите, да се зачува достоинството на оние кои починале и да се даде поддршка за семејствата и пријателите на жртвите.

Телата беа пронадени на индиустрискиот имот Вотерглејд во контејнер кој бил испратен кон пристаништетот Пурфлит од Зебриж во Белгија.

Возачот на камионот Морис Робинсон, од Северна Ирска, се соочи со повеќе обвиненија, вклучувајќи и 39 за убиство.

Процесот за екстрадиција започна и за 22-годишниот Имон Харисон, кој беше уапсен во Даблин по европски налог.

Полицијата се уште трага по двајца браќа од Северна Ирска, Ронан и Кристофер Хјуз, кои се барани дека учествувале во криминалниот процес и се осомничени за убиство и трговија со луѓе.

Исто така, уапсени беа 11 луѓе во две провинции во Виетнам поради поврзаност со смртта на 39-те луѓе.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close