Скопска Апелација одлучи: Камчев останува во притвор
Бизнисменот Орце Камчев останува во притвор, откако Апелацискиот суд му ја одби поднесената жалба за замена на затворскиот со домашен притвор.
Камчев неколку пати бараше да му биде укинат притворот, за што нудеше и милионска гаранција. Но, засега останува во истражниот затвор „Скопје”, во кој влезе пред шест месеци. Ваквата одлука е донесена на 8 октомври, по барање на Обвинителството да се продолжи неговиот притвор за уште 30 дена.
Притворот му е одреден за случајот „Плацевите на Водно”.
За овој случај обвинети се поранешниот премиерот Никола Груевски, неговиот кум Ристо Новачевски, екс директорот на УБК, Сашо Мијалков, Орце Камчев, мајка му Ратка Камчева и Ненад Јосифовиќ.
Според обвинението, Груевски, од 2006 до 2012 година, како претседател на ВМРО-ДПМНЕ, дел од партиските донации што ги добивал, лично или преку општинските комитети, ги задржувал за себе, па така прибрал најмалку 1,3 милиони евра, а со нив си купил имот.
Камчев останува во притвор, судот ја одби понудената гаранција