Слован беше дисквалификуван во првото коло од квалификациите поради наводно постоење на коронавирус во екипата.

УЕФА со службени за Клаксвик го регистрираше натпреварот од првото коло по што екипата од Фарски острови продолжи понатаму.

Натпреварот требаше да се игра на 19. август, а пред средбата целата словачка екипа беше тестирана на Фарски Острови по што резултатите покажаа дека има еден позитивен случај на коронавирус.
По добивањето на резултатите кои покажаа дека физиотерапевтот е позитивен на ковид-19, властите на Фарски острови наредија екипата на Слован да биде ставена во карантин.

Екипата по враќањето во Словачка, повторно беше тестирана, а резултатот на физиотерапевтот покажа дека тој немал ниту антитела, што значи дека немал ниту коронавирус.

„ Нашите сомнежи на начинот на тесирање на Фарски Острови и на нивните резултати се покажаа оправдани. Резултатите од тестовите кои нашиот физиотерапевт ги направи во овластена лабораторија во Словачка покажаа дека тој нема ниту антитела. Свесни сме дека УЕФА нема да ја промени одлуката по новиот развој на настаните, но моравме да ја објавиме оваа информација. Разочарани и тажни сме што неправедно загубивме шанса да се бориме за Лигата на шампионити, соопшти Слован.