Во 2016 година го напушти каталонскиот гигант и се пресели во редовите на Јувентус, но само една година подоцна клубот од Торино го замени со францускиот ПСЖ.

Ова лето му истекува договорот и не е познато дали ќе остане во Париз или продолжи на друго место, односно во „лов“ по нови трофеи.

Нема да ја памети по добро годината во дресот на италијанскиот шампион, еве и зошто:

Dani Alves: "I spent an unpleasant year in Turin. I felt betrayed because I didn't receive what I was promised…. I felt betrayed at Juventus and that's why I left." [ESPN/TJ]

— Juventus News – Juvefc.com (@juvefcdotcom) May 24, 2019

-Беше тоа една незгодна сезона во Италија, во Торино. Се чувствував измамен, бидејќи не го добив тоа што ми беше ветено. А тоа е најлошото чувство кое постои. Направив одредени успеси со Јуве и можеме да прашаме некои луѓе каков е Дани Алвеш како работник, спортист. Не постои ниту една личност која не ме сака. Многу поразлично е со оние кои ме ангажираа таму и што ми рекоа – се зборовите на Бразилецот во разговорот за „ЕСПН“.

Алвеш во таа сезона освои двојна круна со „Старата дама“ и го загуби финалето во Лигата на шампионите.

– Тоа беше моја одлука. Ја почитувам историјата на Јувентус, таму стекнав многу пријатели. Сè се враќа – сè се плаќа. Ме измамија и го напуштив Јувентус – додаде Алвеш кој не објасни подетално кој го измамил, како и поради што.