Синот на Есма Реџепова ја раскажа горката приказна за кралицата на ромската музика - Слободен печат

Синот на Есма Реџепова ја раскажа горката приказна за кралицата на ромската музика

Симеон Атанасов, еден од синовите на Есма Реџепова, од чија смрт денес се навршуваат три години, на својот фејсбук-профил прозборе за недовршениот музеј на Есма и Стево Теодосиевски.

Ви го пренесуваме во целост неговиот статус.

„Многу размислував дали воопшто овој статус да го напишам, но морав прво за себе, а потоа и за сите други да ја дознаат вистината. Токму на овој ден кога изминуваат 3 години од смртта на големата Есма Реџепова (Мојата Мајка) јас решив да проговорам. Кога во 1991 година Стево и Есма Теодосиевски решија да се вратат во Македонија, тука да направат музеј и се што стекнале во нивните долгогодишни музички кариери да и остават на оваа држава, јас паметам дека тогашните власти на Р. Србија со жалење го прифатија тоа. Нивните зборови беа: „Молимо вас да не идете из Београда, ми чемо да вам изградимо музеј где ви то позелите“. Сепак на инсистирање на Стево се преселивме во Скопје. И така почнаа проблемите, сигурно многумина од вас ќе се сетите на големиот наслов „На Водно нема да чука тарабука“. Не им дозволија да се гради музејот на Водно иако самите беа инвеститори на се, пари заработени со нас децата кои што исто така имаме допринесено барем по една цигла за тој музеј. Со големи маки им дозволија да се гради на Кале. Додека се градеше ние спиевме во камп приколка 2 години. Сите деца што беа во тоа време си заминаа јас останав бидејќи немав каде да одам. Некако се изгради дел од тој музеј, барем некои простории за да се сместиме внатре но требаше уште многу за да се заврши. Почина Стево, остави еден куп проблеми со кои требаше да се справува Есма, долгови за градба, мајстори, дрвени прозори од кои што дуваше бидејќи беа ставени колку да се каже дека има прозор итн. Почнавме да работиме и некако се гледаше крајот на таа градба, 860 м2 и дворно место 1300 м2 не е малку но сепак не беше се уште се завршено. Се појави видовитата Клеопатра која што и кажа на Есма: „Ја сам сањала да теби морам да помогнем да завршиш музеј“. Така и беше. Дојде, се смести во куќата и почна да работи со луѓе и секоја вечер собираше пари кои и ги даваше на Есма. Но на тие пари не им се знаеше трагот веројатно дека беа земани од луѓе кои што си имаа своја мака. Помина и тој период, музејот не беше завршен па еден ден и предложив на Есма да земеме кредит за да го заврши и да го види готов додека е жива а тоа и се случи. Со 50.000 еу беше веќе при крај, остана само големата музејска сала каде што по некоја си желба на Стево требаше и нивните урни да бидат поставени. Ништо од тоа не се случи и сега после 3 години од како почина Есма, оваа држава нема никаков интерес за да го заврши тој музеј и да си го земе под своја заштита затоа што по тестаментите на Стево и на Есма тоа припаѓа на Македонија. И додека се влечеме по судови зградата пропаѓа, таканаречените Реџепови однесоа се што беше вредно, фрлија цела историја во вода, се што е градено со години, веќе не постои. Па би ги замолил надлежните доколку некој случајно го види овој мој пост да си ги земе работите во свои раце. Греота е и срамота пред целиот свет што дозволуваат ова да се случува. На крај само можам да го кажам следново – Мајко не ви се исполнети желбите.“

Facebook
Facebook
Facebook

Прочитај повеќе

Го срушила гинисовиот рекорд: Тинејџерка од Индија ја има најдолгата коса на светот! (ВИДЕО)

Слободен печат

Кетрин Зита Џонс ги украде сите погледи на црвениот тепих (ФОТО)

Слободен печат

Васил Гавранлиев: Евровизиската сцена е предизвик и сон на секој пејач

Слободен печат

Ја прашаа Камила Паркер дали ќе и недостасуваат Меган и Хари: Одговорот боли! (ВИДЕО)

Слободен печат

Конечно добри вести од Австралија: Расел Кроу го покажа имотот пред пожарите и по дождот (ФОТО)

Слободен печат

Хаос поради објавата на Џенифер Анистон утрото по SAG – Дали Бред Пит го соблече тоа? (ФОТО)

Слободен печат

Остави Коментар

13 − 3 =

Прочитај повеќе

Принцот Хари се збогуваше од кралското семејство и пристигна во Канада: Почнува нов живот со Меган и Арчи (ФОТО+ВИДЕО)

Слободен печат

Се породи најпознатата плус сајз манекенка – Животот ни се промени! (ФОТО)

Слободен печат

По шпекулациите за развод Џулија Робертс со сопругот во јавноста: По подолго време заедно на настан (ФОТО)

Слободен печат

Тексас јакната со крзно е апсолутен хит (ФОТО)

Слободен печат

Домашна витаминска вода којa секој треба да ја консумира – Направете си ја веднаш!

Слободен печат

Хороскоп за 21 јануари – Биковите ќе имаат среќа во работата, лавовите можеби ќе ја запознаат сродната душа

Слободен печат