Што за вечера? Три идеи кои се вкусни, лесни и здрави
Многу често, како што изминал денот, веќе знаеме со каков оброк би сакале да го завршиме. Но, доколку не сте имале време да размислите – еве ви три идеи за здрава вечера која „вкусно“ ќе ви го заокружи денот.
Вечерата е оброк на кој најмногу треба да се фокусираме, пред сè поради она што се однесува до нејзиното време, а веднаш потоа изборот на храната за неа. Времето во кое ја јадете вечерата, но и она што го внесувате во телото за време на истата, може да има поволно или неповолно влијание, во зависност од тоа дали избирате здрава и лесна храна или калорична и тешка.
View this post on Instagram
Најдобро време да се приспособите на вашата вечера е 3 часа пред спиење. Секако, тоа не значи дека ќе вечерате во 10, бидејќи легнувате еден час по полноќ. Најдобро би било вечерата да ја завршите до 21 часот. А доколку немате идеја што би можеле да подготвите за вечера, ви даваме три вкусни и здрави рецепти за сечиј вкус.
View this post on Instagram
Сочни полнети тиквички
Овој рецепт е идеален за есенскиот период бидејќи токму сега е сезона на тиквички, па доколку ви се допаѓа набавете се што ви треба и почнете да го подготвувате.
Состојки:
4 тиквички со средна големина
1 голем морков
600 гр бело месо
домат – излупен домат
1 кромид
малку оригано
200 гр чедар сирење
Начин на подготовка:
Излупете те ги и пресечете ги на половина тиквичките. Извадената внатрешност од тиквичките пропржете ја со претходно исечкан кромид и изрендан морков. Додадете малку излупени домати. Зеленчукот динстајте го 5-6 минути, па додадете го пилешкото исечкано на коцки, посолете малку. Пржете се заедно околу 15 минути. Потоа со добиената смеса наполнете ги издлабените тиквички и зачинете со оригано. Одозгора изрендајте малку чедар и ставете ги тиквичките во рерна. Печете ги 15-20 минути на 200 степени.
View this post on Instagram
Вкусно пилешко со ориз и домат
Состојки:
маслиново масло
4 пилешки филети
2 лажици млеко
2 чешниња лук
1 лажица сок од лимон
1 голема шолја интегрален ориз
100 гр свеж спанаќ
2 чаши шери домати
Начин на подготовка:
Додадете малку масло во тавата и добро загрејте го. Кога маслото ќе достигне висока температура, додадете го пилешкото. Се динста десетина минути, повремено додавајќи малку вода. Зачинете го со сол и бибер. Кога ќе се испржи месото, извадете го и оставете го под фолијата да не се излади. Потоа истурете малку масло од тавата ако е премногу, тавчето повторно ставете го на шпорет и додадете млеко, сок од лимон и лук. Мешајте додека не се соединат. Потоа додадете го оризот. Се‘ заедно се динста околу 2-3 минути, па се додаваат доматите. За уште подобар вкус додадете спанаќ. Кога ќе се сварат оризот и спанаќот, вратете го пилешкото во тавата и сето заедно пропржете го уште неколку минути. Послужете го топло со малку свежа салата.
View this post on Instagram
Невообичаена медитеранска салата со наут
Состојки:
150гр наут
1 краставица
1 пиперка
половина црвен кромид
маслинки (додадете по желба)
150 гр фета сирење
Начин на подготовка:
Во сад ставете ги наутот, краставицата, пиперката и кромидот и исечете ги на коцки или листови, по ваша желба. Додадете маслинки, фета и зачинете со сол и бибер по желба. Додадете маслиново масло и сок од половина лимон. Најдоброто нешто кај оваа салата, покрај тоа што е здрава, е и брзиот начин на подготовка, но и интересно необичниот вкус.