Што се случува со Кирјос во последно време, го пофали Новак
Австралискиот тенисер му се заблагодари на Новак Ѓоковиќ за време на разговорот во живо со Енди Мареј.
Ник Кирјос е познат по своето контроверзно однесување на тениските терени но и надвор од него кога често ги провоцира двајцата најдобри тенисери на денешницата, Новак Ѓоковиќ и Рафаел Надал.
Но, во последно време, тој изненадува со своите реакции.
Ѓоковиќ и Енди Мареј вчера имаа интересен разговор во живо преку Инстаграм, на кој се вклучи со свој коментар и Кирјос. Имено, кога го правеа идеалниот тенисер, Ѓоковиќ го спомена токму Кирјос.
– Кога би бирал сервис, тогаш би го земал сервисот на Кирјос, тој има најдобар сервис од сите тенисери против кои сум играл. Тој е голем талент – изјави Ѓоковиќ, додека Мареј повеќе беше импресиониран од сервисот на Џон Иснер.
@NickKyrgios ❤️ @DjokerNole pic.twitter.com/naBCxR3Wsd
— Sport (@Sport65617361) April 18, 2020
Бидејќи разговорот го следеше и Кирјос, тој веднаш реагираше преку својот профил на Инстаграм.
„На здравје брату“, напиша Кирјос и додаде срце, со што ги изненади сите негови фанови.