Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„Harry & Meghan“ – серија на Нетфликс

Ова е документарна серија во шест дела, во режија на Лиз Гарбус, која содржи интервјуа со принцот Хари и Меган Маркл, како и со нивни пријатели, колеги, новинари и историчари, кои зборуваат за нивната врска со британското кралско семејство, за монархијата и за британските медиуми.

Жанр: документарец / „IMDB“ оценка: 3.1 / „Rotten Tomatoes“ рејтинг: 40%

„The Noel Diary“ – филм на Нетфликс

Чистејќи го својот дом од детството за божиќните празници, писател запознава интригантна млада жена која е во потрага по нејзината родена мајка. Дали еден стар дневник ќе ги отклучи нивните мината, но и срца?

Жанр: драма / „IMDB“ оценка: 6.1 / „Rotten Tomatoes“ рејтинг: 71%

„The Sex Lives of College Girls“ – серија на Ејџ-би-о

Оваа комична серија ги следи животите на четири 18-годишни студентки на колеџот Есекс во Вермонт, опфаќајки го нивниот сексуално активен животен стил додека се справуваат со сите обврски и тешкотии на факултетот.

Жанр: комедија / „IMDB“ оценка: 7.8 / „Rotten Tomatoes“ рејтинг: 93%

„Holiday Harmony“ – филм на Ејџ-би-о

Пејачката и текстописец Гејл добива можност да се натпреварува на животно важен настан, и патува низ земјата – но стигнува само до Хармони Спрингс, Оклахома, кога нејзиниот превоз, буџетот и надежите се попречени.

Жанр: драма / „IMDB“ оценка: 6.3 / „Rotten Tomatoes“ рејтинг: 93%