„Шпигел”: ЕУ го прекрши ветувањето, политичките последици можат да бидат сериозни

Европската Унија цврсто им вети на Северна Македонија и на Албанија дека ќе ги отворат пристапните преговори – и го прекрши тоа ветување. Политичарите на тие земји се засрамени. Тоа што сега доаѓа не е добро, пишува германскиот весник „Шпигел” на своето онлајн издание.

Проширувањето на ЕУ кон Западен Балкан беше потврдено во Солунската агенда од 2003 година, тогаш Унијата им вети интеграција на овие земји, но неофицијално ова ветување во последно време е под знак прашалник поради заморот од проширување во ЕУ, потсетува весникот.

Меѓутоа, сега ЕУ првпат не го испочитува дадениот збор и поради ветото на Франција, двете земји Албанија и Македонија нема да ги почнат преговорите, кои веќе им беа ветени од Унијата. Одлуката на Советот на ЕУ од петокот предизвика горчина низ цел регион на Западен Балкан. Политичките последици од одбивањето можат да бидат сериозни и многу европски лидери го оценија потегот како „историска грешка”, наведува „Шпигел”.

Прочитајте и...  Рама: Капацитетот за успешна комуникација на земјите од Западен Балкан е важен услов за ЕУ

Според весникот, особено голема горчина предизвика не започнувањето преговори со Северна Македонија, па одлуката на Брисел предизвика политичка криза во земјата – лидерот на социјалдемократите Зоран Заев кажа дека тоа е „голема историска неправда” и најави предвремени избори за април идната година и негова оставка во јануари.

Во јануари годинава Македонија го смени името во „Северна Македонија” по речиси три децении спор со Грција. Не само што ваков случај е прв во историјата, туку е и понижувачки за мнозинството Македонци. Сепак, Северна Македонија во моментов е единствена земја во регионот која прави сериозни демократски реформи и реформи во владеење на правото. Земјата, по Шарената револуција во 2016, е позитивен пример во регионот, оценува весникот.

Прочитајте и...  Ахмети: ДУИ плати висока цена за „Монструм“

Шпигел коментира дека доколку националистите повторно дојдат на власт, по предвремените избори на пролет, патот на земјата ќе стане непредвидлив. Едно е сигурно, поранешниот премиер Никола Груевски кој избега во Унгарија во 2018 година, немаше скрупули за време на неговото владеење да ја доведе земјата и до граѓанска војна доколку е потребно, само за да остане на власт, пишува „Шпигел”.

Прочитај повеќе

Бабовски: На располагање нови средства за модернизација и развој на рибарството и аквакултурата во земјава

Слободен печат

„Независне“: Контејнери полни со кокаин фатени на патот кон БиХ

Слободен печат

Ангеловска: Инвестиции во луѓе, технологии и ефикасна администрација за посилно темпо на економски раст

Слободен печат

Скопје: За една недела отстранети 218 непрописно паркирани возила

Слободен печат

Самка Ибраимоски предложен за пратеник од ПЦЕР

Лекарите во Вухан ќе бидат сместени на крузери

Слободен печат

Остави Коментар

2 + шест =

Прочитај повеќе

Делумно примирје меѓу САД и талибанците

Слободен печат

На „сивата листа“ се најдоа нови седум земји

Слободен печат

Борче Мирчевски – колекционер и мајстор за олдтајмери

МИА

Еве како изгледа најдолгиот железнички тунел кој наскоро треба да биде отворен (ВИДЕО)

Војислав Мојсовски

Прва жртва на коронавирус во Италија

Слободен печат

Сандерс: Русија подобро да не се меша во американските избори

Слободен печат