Шпанија од 1 јули го укинува карантинот за странски туристи
Голем дел од баровите и рестораните и покрај дозволата за работа остануваат затворени.
Шпанија од 1 јули ќе го укине двонеделниот карантин за странските туристи, објави денеска шпанската Влада.
Шпанската министерка за надворешни работи Аранча Гонзалез Лаја на својот профил на Твитер напиша: „Најлошото е зад нас”, а со емотикони бикини, очила за сонце и куфери истакна „Ве очекуваме“.
The worst is behind us. In JULY we will
➡️ gradually open ?? to international tourists
➡️ lift the quarantine
➡️ ensure the highest standards of health safetyWe look forward 2 welcoming you! ???#safety #security #sustainability @MAECgob @mincoturgob @desdelamoncloa
— Arancha González (@AranchaGlezLaya) May 25, 2020
„Во јули, постепено ќе ја отвориме Шпанија за странските туристи, ќе го укинеме карантинот, ќе ги обезбедиме највисоките здравствени стандарди. Со нетрпение очекуваме да ве угостиме”, напиша Гонзалес на Твитер.
На баровите и рестораните во Мадрид и Барселона од денеска им е дозволено да работат во надворешниот дел со половина капацитет, но многу од нив остануваат затворени прашувајќи се дали тоа ќе биде профитабилно за нив.