Шарл Леклер го продолжи договорот со Ферари
Како што информира и официјалниот сајт на Формула 1, возачот од Монако го продолжи договорот на уште пет години.
Ферари не сакаше пред јавноста да ги презентира финансиските детали околу новиот договор.
Се очекува Леклер да заработува девет милиони евра по сезона, што е трипати поголем договор од оној кој го имаше оваа година.
Во сезоната од Светскиот Ф1 шампионат која неодамна заврши во Абу Даби, Леклер го освои четвртото место во генералниот пласман кај возачоте со 24 бодови предност во однос на клупскиот колега, Себастијан Фетел. Забележа две победи, една повеќе од Германецот.
– Едвај го чекам продолжувањето на соработката со екипата, после интересната 2019. година. Ќе биде интересно да дознаеме што ни носи иднината – вели Леклер.