Серија А: 30 години подоцна, Лацио повторно го освои „Сан Сиро“! (ВИДЕО) – Слободен печат
СпортФудбал

Серија А: 30 години подоцна, Лацио повторно го освои „Сан Сиро“! (ВИДЕО)

Неделната програма заврши со пресметката на „Сан Сиро“ каде што гостите од Рим во самиот финиш од средбата ги обезбедија трите бода.

Милан во последниот денешен дуел од 11. коло во Серија А беше поразен пред своите верни навивачи во дербито од Лацио со резултат 1:2.

30 години чекаше Лацио за нова гостинска победа на „Сан Сиро“ против Милан, последен пат тоа го направи на 3 септември 1989 година.

„Небесно-сините“ на тој начин ја запиша шестата победа оваа сезона во најсилното италијанско првенство, а „росонерите“ го претрпе шестиот пораз во шампионатот.

Сите голови на мечот ги постигнаа играчите на римскиот клуб, а серијата започна со погодокот кој во 25. минута го реализираше Чиро Имобиле после асистенцијата на Лазари.

Само три минути подоцна Бастос си постигна автогол за израмнување, а конечниот епилог го постави Жоакин Кореа.

Во 83. минута Кореа после една одлична соло акција и добар шут го матираше Џанлуиџи Донарума.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close