Милан во последниот денешен дуел од 11. коло во Серија А беше поразен пред своите верни навивачи во дербито од Лацио со резултат 1:2.

30 години чекаше Лацио за нова гостинска победа на „Сан Сиро“ против Милан, последен пат тоа го направи на 3 септември 1989 година.

1989 – Lazio have won away against Milan in Serie A for the first time since September 1989: 29 winless games since then. Exploit. #MilanLazio

— OptaPaolo (@OptaPaolo) November 3, 2019

„Небесно-сините“ на тој начин ја запиша шестата победа оваа сезона во најсилното италијанско првенство, а „росонерите“ го претрпе шестиот пораз во шампионатот.

Сите голови на мечот ги постигнаа играчите на римскиот клуб, а серијата започна со погодокот кој во 25. минута го реализираше Чиро Имобиле после асистенцијата на Лазари.

Само три минути подоцна Бастос си постигна автогол за израмнување, а конечниот епилог го постави Жоакин Кореа.

Во 83. минута Кореа после една одлична соло акција и добар шут го матираше Џанлуиџи Донарума.