Фудбалската репрезентација на Македонија утревечер (20.45 часот) ја очекува натпревар од Лигата на нации со добро познат ривал, селекцијата на Грузија против која идниот месец ќе го играме најважниот натпревар во досегашната историја.

Во ноември во Тбилиси, Македонија и Грузија ќе играат во финалето на бараж натпреварот од минатогодишното издание на Лигата на нации, а влогот е пласман на Европското првенство.

Поради тоа, се очекува на утрешната средба и двајцата селектори, Игор Ангеловски и Владимир Вајс да не ги откриваат сите адути, но грузискиот предводник најавува борба за победата.

– Се бориме за првото место во новото издание од Лигата на Нации, затоа утрешниот натпревар е важен. Ќе ни недостигаат неколку фудбалери, исто како и кај домаќините, но верувам дека ќе бидеме максимално подготвени, без разлика дали Македонија ќе стартува со четири или со три играчи во дефанзивната линија. Знаеме дека Македонците играат креативно, со многу додавања, но наша цел е да одиме на Евро 2021, исто така и да го освоиме првото место во оваа нова Лига на Нации – изјави Вајс.