Вонредната седница на косовскиот парламент за делимичното и условно укинување на такси на српските производи и производите од БиХ е закажана за понеделник.

Седницата, на чиј дневен ред ќе се најде владиниот предлог, закажана е на барање на 41-те опозициски пратеници.

Тоа го одлучи претседателството на косовскиот парламент.

Претседателката на парламентот Вјоса Османи изјави дека по седницата дека никој во Приштина не се обидува да им наштети на односите со САД.

– Ќе имаме состаноци со премиерот за да разговараме за овие прашања. Што се однесува на сомненијата дека некој се обидува да им наштети на односите со САД, ви велам дека не постои такво нешто – рече таа, пренесе приштинска „Коха“.

Најави и дека денес ќе се состанат претставниците на двете партии од владеачката коалиција.