Загубите предизвикани од злоупотреба на криптовалутите, скокнаа на 4,52 милијарди американски долари минатата година, поради тоа што се зголемија кражбите во тој пазар.

Од друга страна, загубите од хакерските напади се намалени, се вели во извештајот на форензичката компанија за блокчејн-технологија „Сипер трејс“, кој го разгледа „Ројтерс“.

Минатогодишните загуби скокнаа за скоро 160 проценти од 2018 година кога тие достигнаа 1,74 милијарди долари.

Загубите на корисници на криптовалути и инвеститори заради измама се повеќе од петпати во минатата година, додека хакерските кражби опадна за 66 проценти, се вели во извештајот.

Двете големи загуби на почетокот на минатата година беа главните двигатели на ваквиот висок скок, пренесува „Сипер трејс “.

Корисниците и купувачите на критповалути изгубија приближно 3 милијарди американски долари во т.н. шема „Понзи“, што подразбира криптопаричник и размена на плус токени. Втората голема загуба е скоро 135 милиони американски долари од клиенти од канадската берза за криптовалути „КувадригаЦХ“ по ненадејната смрт на нејзиниот ко-основач, се додава во извештајот.