СДСМ: ВМРО-ДПМНЕ оставка да бара од нивниот лидер зашто поттикнува ширење на ковид-19
ВМРО-ДПМНЕ до толку се загубени во своите деструкции што ги имаат помешно работите. Оставка треба да бараат од нивниот шеф Христијан Мицкоски кој поттикнува ширење на заразата со ковид-19 и непочитување на мерките за заштита, регираат од владејачката партија СДСМ откако опозицијата пораба оставка од Филипче.
-Токму Мицкоски во време на најголемата криза прв ги кршеше мерките и забраните, одеше во фитнес центри и седеше во затворени делови на ресторани кои во тој период им беше забрането да работат и при тоа агнажираше структури на Наќе Чулев да го скријат неговото неодговорно и незрело однесување. Од почетокот на пандемијата па се до денеска, Венко Филипче се бори со вирусот, ВМРО-ДПМНЕ ја поткопува работата на здравствените институции, шират лажни вести и поттикнуваат ширење на заразата и непочитување на мерките- се вели во реакцијата на СДСМ.
ВМРО-ДПМНЕ организираат собири, потенцираат оттаму, каде масовно се кршат мерките за носење заштитна опрема и држење дистанца.
-Таквите таканаречени протести кои служат само за спас на фотелјата на Мицкоски се директна закана кон јавното здравје. Заради таквото незрело и опасно однесување на Мицкоски тој губи три пати по ред на избори и уште долго останува во опозиција. Оставката на Мицкоски е таа за која треба да зборува ВМРО-ДПМНЕ- стои во реакцијата на СДСМ.
ВМРО-ДПМНЕ бара Филипче да се охрабри и да си поднесе оставка