Санчез во Киев вети помош од ЕУ во борбата против руската агресија додека е потребно
Во посета на Киев денеска е шпанскиот премиер Педро Санчез, кој како претседавач со ЕУ изјави дека Европската унија е решена да и помогне на Укарина во борбата против руската агресија.
Санчез се обрати во украинскиот парламент со порака дека ЕУ ќе биде со Украина онолку долго колку што е потребно, пренесува Бета.
-Тука сум да ја изразам цврстата решеност на ЕУ и Европа против нелегалната и неоправдана руска агресија врз Украина. Ова е агресорска војна. Агресорот и жртвата не може да се третираат подеднакво, а игнорирањето на правилата не треба да се наградува на кој било начин. Затоа го поддржуваме мировниот план на Зеленски- изјави шпанскиот премиер.
Осврнувајќи се на можноста за мировни преговори, Санчез кажа дека „само Украина може да ги одреди условите и времето за тоа“.
Санчез во Киев ќе има средба со украинскиот претседател Володимир Зеленски.