Тренерот на Спортинг Лисабон, Рубен Аморим во моментов е најсериозен кандидат за наследник на Јирген Клоп во Ливерпул, пренесуваат португалските медиуми.

Откако стана јасно дека Чаби Алонсо останува во Баер Леверкузен, првите луѓе на англискиот фудбалски клуб го избраа Рубен Аморим за наследник на Јирген Клоп, пишуваат португалските медиуми. Тие најавуваат дека 39-годишниот Португалец би можел да потпише тригодишен договор со премиерлигашкиот гигант.

Аморим имаше солидна играчка кариера, најголемиот дел од времето го помина во дресот на Бенфика, а за португалската репрезентација одигра и 14 натпревари.

Како тренер прво се докажа во Брага, а четврта сезона го води Спортинг и е блиску до освојување на втората шампионска титула. Клоп на крајот на јануари објави дека на крајот на сезоната ќе го напушти Ливерпул бидејќи, како што објасни, останал без енергија.

„Црвените“ со Арсенал моментно ја делат лидерската позиција на табелата во Премиер лигата, а во четвртфиналето од Лига Европа ќе играат против Аталанта.