Роналдо е господар на бројките
Никој никогаш во досегашната историја на Јувентус каде имало голем број на играчи кои освојувале признанија, немаат бројки како Португалецот.
Кристијано Роналдо е единствен фудбалер на Јувентус кој постигнал пет гола во првите пет натпревари во сезоната.
Покрај тоа, Ронадо го собори рекордот на легендарниот Алесандро дел Пјеро и во првите 69 натревари постигна неверојатни 60 гола за „старата дама“. Давид Трезеге кој е најдобар стрелец од странците во историјата на клубот за 60 гола му беа потребни речиси 100 натпревари.
Португалецот во вчерашната победа од 2:0 над Калјари ги постигна двата гола и тоа за четири минути со што уште еднаш покажа колку му значи на Јувентус.
– Среќни сме што игра за нас. Тој е вонземјанин, секогаш е подготвен да игра – изјави Андреа Пирло.
Иако головите ги постигнува како на филмска лента, сè уште постои неизвесност околу неговата иднина. Имено, тој има договор до 2022 година, се почести се шпекулациите дека тој може да си замине на крајот од сезоната.
Како главна причина за ваквите шпекулации е финансиската криза која го погоди клубот поради пандемијата на коронавирусот. Како можна дестинација се споменува ПСЖ кој нема проблем да му даде плата од 30 милиони евра, но по вчерашниот настап и двата гола, во „старата дама“ ја променија плочата.
– Не наседнувајте на лажните вести, тој е играч на Јувентус и така ќе остане. Бидете уверени, Роналдо не оди никаде – изјави директорот на Јувентус, Фабио Паратичи.
Со двата гола против Калјари, Кристијано Роналдо го прескокна Ференц Пушкаш на вечната листа на стрелци во клубовите и репрезентациите. Роналдо засега е на бројката од 748 гола, а пред него се само две имиња, Бразилецот Пеле со 761 гол и поранешниот фудбалер на Чехословачка, Јозеф Бичан со 805 гола.