Рибери пред драстична казна, двапати го турна судијата! (ВИДЕО)
Фудбалерите на Фиорентина загубија на домашен терен од Лацио, а особено незадоволен после натпреварот беше Франк Рибери. Добро започна за Французинот кој асистираше до Киеза за израмнување во 28. минута, но на крајот римскиот клуб стигна до трите бода.
Рибери би можел да биде во посериозни проблеми, бидејќи камерите ја фатија ѕвездата на „виолетовите“ како двапати турна еден од помошниците на главниот судија.
#Ribéry La presa bene…maxi squalifica! #FiorentinaLazio pic.twitter.com/rkcrnd3v9q
— ⓛⓤⓒⓐラツィオ (@Luca_Twitte) October 27, 2019
Целата ситуација ескалираше пред крајот на мечот, во 89. минута Лацио дојде до победата, а во шестата минута од судиското надополнување судијата Гуида му покажа црвен картон на Раниери кој играше со рака во казнетиот простор, но Каиседо беше непрецизен од белата точка.
Рибери (кој беше заменет во 75. минута од Боатенг), не можеше да се помири со поразот, сета лутина ја истури кон еден од помошниците, а еден од членовите на стручниот штаб на Фиорентина спречи поголем инцидент.
Од Серија А подоцна стигна потврдата дека францускиот интернационалец доби црвен картон и тоа автоматски значи дека најверојатно го очекува суспензија од неколку мечеви.