Реал Мадрид испрати нова понуда за Мбапе
Реал Мадрид полека го стега обрачот од ПСЖ, Килијан Мбапе е метата од која претседателот на „кралевите“ Флорентино Перез нема да се откаже до последните моменти од летниот преоден рок.
„Скај Спортс“ пренесува дека Реал Мадрид денеска испрати нова понуда до ПСЖ за Мбапе и таа е за 10 милиони евра „потешка“ од првата, Перез сега е подготвен да плати 170 милиони евра за одличниот напаѓач.
BREAKING: Real Madrid have made a second bid of €170m to PSG for Kylian Mbappe.
— Sky Sports News (@SkySportsNews) August 26, 2021
ПСЖ вчера го обвини Реал Мадрид дека директно го контактирал фудбалерот како и дека се однесува некоректно кон францускиот клуб, додека од Шпанија на ваквите изјави реагираа дека се непристојни.
– Официјалната понуда на Реал Мадрид е далеку од тоа што ние го сакаме. Станува збор за 160 милиони евра, тоа е помалку од сумата која ние ја издвоивме за трансферот на Мбапе. Изгледа дека стратегијата на Реал е да добие „Не“ од нас, да покажат дека се обиделе да сторат се и потоа да почекаат до наредната година и да го донесат играчот без обесштетување – изјави вчера спортскиот директор на ПСЖ, Леонардо.
Договорот на Килијан Мбапе истекува наредното лето, а весникот „Ле Паризиен“ пишува дека ПСЖ не планира да го пушти својот играч да си замине за помалку од 220 милиони евра.
Војна на Реал и ПСЖ: Мбапе може да си оди само под наши услови