Реал е „газда“ во Мадрид, „кралевите“ го слават Бензема! (ВИДЕО)
Францускиот напаѓач им пресуди на „јорганџиите“ за големи три бода на „кралевите“ во битката за освојување на шампионската титула во шпанската „Ла Лига“.
Денеска во рамките од 22. коло во шпанското фудбалско првенство во мадридското дерби Реал беше подобар од Атлетико со 1:0.
Клучниот момент се случи во 56. минута, „кралскиот“ клуб имаше една убава акција, Менди прецизно и во прав момент му асистираше на Бензема, а овој рутински, искусно ја смести топката во мрежата на Облак.
Саботната програма започна со дуелот помеѓу екипите на Гранада и Еспањол кој го доби домаќинот со резултат 2:1.
Од 18.30 часот Мајорка на Александар Трајковски ќе ги одмери силите против Ваљадолид, а од 21.00 часот Валенсија е домаќин на Селта Виго.
На табелата води екипата на Зинедин Зидан со 49 бодови, дури шест повеќе од второпласираната Барселона која својот меч ќе го има в недела пред своите навивачи против Леванте на Енис Барди.
