Рафаел Леао: За мене Лигата на шампионите вреди повеќе од плата од 10 милиони евра
Саудиска Арабија направи историска промена на фудбалскиот пазар и летово успеа да донесе огромен број ѕвезди.
Португалскиот 24-годишен напаѓач на Милан, Рафаел Леао одби да биде меѓу нив, бидејќи смета дека не ги остварил своите цели и соништа во Европа.
Леао игра за „росонерите“ од 2019 година, во оваа натпреварувачка сезона до сега во Серија а запиша три голови во пет настапи.
– Понуда од Саудиска Арабија? За мене Лигата на шампионите вреди повеќе од плата од 10 милиони евра. Сè уште не сум ги постигнал целите за да се согласам да одам во таа лига. Фокусиран сум и сакам да направам големи работи во Милан.Затоа потпишав нов договор пред неколку месеци – изјави Леао.
Да потсетиме, Милан во Серија А го следи Интер во борбата за титулата, додека во Лигата на шампионите е во групата на „смртта“ во која се уште ПСЖ, Њукасл и Борусија Дортмунд.
Бин Салман ги игнорира критиките дека преку спортот создава подобар имиџ за Саудиска Арабија