Претседателот на Бугарија Румен Радев го прокоментира бришењето на здружението на Бугари „Иван Михајлов“ од Битола како многу лошо решение.

– Многу лошо. Решението е израз на паника и немоќ. Скопје треба да признае дека има македонски Бугари, дека има бугарско присуство во РСМ. Не од денес, од вчера туку до векови, од 1300 година. Забранувањето на имињата на бугарските клубови нема да ја за забрани упорноста на Бугарија и на нашите европски партнери, РСМ да ги запише Бугарите во Уставот“, изјави Радев во Брисел денеска во одговор на новинарско прашање.

На прашањето  дали денеска ќе се разговара на таа тема на состаноците во Брисел тој додаде:

– Се сеќавате дека во мај месец минатата година јас за прв пат тука го отворив прашањето за правата на македонските Бугари, бидејќи тука не го разбираа проблемот ниту институциите, ниту нашите партнери, ниту лидерите на тие држави. Благодарение на нашата едногодишна упорна работаупорна работа, впишувањето на Бугарите во Уставот веќе е дел од преговарачката рамка, слушнавте што кажаа и европските лидери, тоа е апсолутно задолжителен услов –  додаде Радев.

Од бугарското МНР, пак, денеска соопштија дека се длабоко вознемирени од последните активности на Северна Македонија за ограничување на правата на здружување и слободно изразување на бугарската заедница.