Шкендија во третиот натпревар на подготовките во Анталија го забележа второто реми, откако денеска во вистинско гол шоу одиграа 3:3 против данскиот прволигаш Рандерс.

Агим Ибраими беше двоен стрелец за Шкендија, првиот гол го постигна со седмата минута од пенал, а вториот во 78. минута, додека третиот гол беше дело на Арменд Алими во 72. минута.
Головите за данскиот тим ги постигнаа Рис во шестата минута, Камара во 28. и Кехинде во 60. минута.

И екипата на Работнички денеска ремизира, играјќи без голови со рускиот тим Томск.

За разлика од Работнички и Шкендија кои ремизираа, Академија Пандев која исто така се наоѓа во Анталија, доживеа убедлив пораз од рускиот Ротор. „Пандевци“ се поразени со убедливи 1:5.