Путин ги награди полицајците и војниците во пресрет на парламентарните избори
Рускиот претседател Владимир Путин нареди да им биде испратена парична награда на сите членови на полицијата и војската во Русија, во пресрет на парламентарните избори кои треба да се случат наредниот месец, пренесува ТАС.
Овие граѓани припаѓаат на традиционалното гласачко тело на „Единствена Русија“, владејачката партија чија популарност опаѓа поради забележаниот пад на животниот стандард по 2014-та година, со зголемена инфлација во последните неколку месеци.
Сите војници и полицајци на почетокот на септември ќе добијат награда од 15.000 рубли (170 евра), во согласност со извршните наредби издадени од Кремљ на претседателот.
Покрај нив, Путин објави дека и пензионерите ќе добијат еднократна помош од 10.000 рубли (110 евра).
Иако бројот на луѓе кои ќе ги добијат наградите не е објавен, се проценува дека Русија има околу 42 милиони пензионери и речиси 1,7 милиони полицајци и војници.
Поради економската стагнација и корупциските скандали, Единствента Русија сега има 27,3 проценти јавна поддршка, објави Институтот за истражување на јавното мислење „Всиом“, што претставува голем пад во поддршката за актуелниот претседател Владимир Путин.