Откако минатата година беше одложен, домаќин на 65-тиот Евросонг оваа година ќе биде Ротердам, а како и секоја година, така и оваа, уште отсега се познати фаворитите.

До неодамна тоа беше Литванија, со песната „Discotheque“, но сега дојде до пресврт. Обложувалниците работат со полна пареа кога станува збор за годинешниот Евросонг и можниот победник, а состојбата на табелата се смени за неколку денови. Така Литванија, која беше прв фаворит, сега има осум проценти шанси за победа, додека главен фаворит е Исланд, чија песна сè уште не е претставена. Групата „Дади ог Гагнамагнид“ под водство на пејачот Дади Фрејр Пјетерсон требаше да го претставува Исланд лани и тогаш беше фаворит со песната „Think about things“. Поради популарноста на пејачот обложувалниците веќе го сместија во фаворитите, а луѓето се обложуваат на песна која воопшто не ја слушнале.

По Исланд и Литванија, следуваат Шведска, Франција, Бугарија, Италија. Македонија со Васил Гарванлиев е на 31-во место, додека Хрватска со Албина Грчиќ е на 26-то место, а групата „Хурикејн“ од Србија е на 37-мо место. Последна на пописот од 41 држава учесничка е Албанија со песната „Карма“ и пејачката Анџела Перистери. Но, ова се само првични прогнози.