И по средбата во која беа присутни претставници на странските амбасади не беше постигнат договор за формирање на влада во Косово.

Иса Мустафа по средбата изјави дека Демократскиот сојуз на Косово е подготвен за Договор, но со нивни услови. Тој додаде дека амбасадорите се информирале околу средбата и не посредувале помеѓу ЛДК и ВВ.

-Како ЛДК убедени сме дека решението кое сме го понудиле ја балансира довербата на граѓаните кое сме го добиле на избори. Отворени сме ако ВВ ги прифати нашите услови за заедничко владеење во секој момент да потпишеме договор- рече Мустафа после средбата.

Од друга страна, Албулена Хаџиу од Движењето Самоопределување, изјави дека ЛДК ги има отфрлено двете нивни понуди за договор.

-Денеска сме имале средба и со амбасадорите. Нема договор поради инсистирањето на ЛДК, за нас како ВВ тоа е неприфатливо- рече Хаџиу.