Причината за тоа е што неговиот трансфер во Челси ќе се официјализира пред да биде продолжена ЛШ, а Вернер доби можност да избере дали веднаш ќе потпише за англискиот тим или ќе игра за Лајпциг во завршницата на елитното натпреварување.

Одличниот напаѓач се одлучи да потпише за Челси и потоа да замине на едномесечен одмор пред да започнат подготовките на екипата за наредната сезона.

И Лајпциг и Челси ќе настапат во продолжението на ЛШ, но Челси е речиси сигурно дека ќе биде елиминиран уште на стартот бидејќи во првиот осминафинален натпревар загуби со 0:3 од Баерн Минхен и тоа на „Стемфорд бриџ“.

Вернер во актуелната сезона постигна 31 гол, од кои 25 во Бундеслигата, четири во Лигата на шампионите и два во германскиот куп.