Претседателската палата на Република Српска осветлена во боите на руското знаме во чест на победата на Путин
Лидерот на Република Српска, Милорад Додик, му честиташе на Владимир Путин за неговата „убедлива“ победа.
Претседателската зграда на Република Српска во Бања Лука вечерва е осветлена во боите на руското знаме, одбележувајќи ја изборната победа на Путин.
Додик додаде дека тоа „покажало дека претседателот Владимир Путин ужива огромна доверба меѓу рускиот народ и дека ја води земјата во вистинската насока“.
Милорад Додик, кој се соочи со американски и британски санкции за неговата сепаратистичка политика во Босна, на „X“ напиша дека веста за триумфот на Путин е поздравена „со голема радост“ кај српскиот народ.
Србите, рече Додик, го гледаат Путин како „голем државник и пријател на кој секогаш можеме да се потпреме и кој се грижи за нашиот народ“.
„Му посакувам добро здравје, сила и решителност на неговиот пат да ја зачува Русија и да донесе мир и подобра иднина за целиот свет“, рече Додик.
Претседателот на српскиот дел од Босна, е редок функционер во Европа кој се сретнал со Путин во неколку наврати по почетокот на целосната руска инвазија на Украина.