Во Битола се одржа заедничка средба на двете јавни водоводни претпријатија ЈКП „Водовод“ и D.E.Y.A.F од Лерин, Грција.

На средбата, стана збор за размена на искуства на двете јавни водоводни претпријатија за иновативните технологии, и развивање на меѓуграничната соработка.

Тема на разговорите беа можностите за развивање на меѓуграничната соработка помеѓу двете претпријатија, размена на искуства и реализација на проекти од заеднички интерес. Постојаната комуникација и соработка е многу важна за зајакнување на односите меѓу двете водоводни претпријатија. На средбата што се одржа во просториите на ЈКП „Водовод“ во Битола се разговараше за размена на искуства и имплементација на иновативни технологии во водоводните мрежи-вели директорот на ЈКП „Водовод“, Пеце Милевски.

На работната средба беа презентирани дигитални и технички решенија со цел подобрување на процесот со водоводната инфраструктура и водоснабдувањето.

Од ЈКП „Водовод“ Битола уште и додаваат дека средбата завршила со изразен оптимизам и посветеност кон градењето на силно партнерство, на двете водоводни претпријатија.