Познат новиот термин, еве кога се игра „Ролан Гарос“!
Тениските возбудувања во францускиот главен град ќе продолжат на есен, односно за периодот од 20 септември до 4 октомври.
Организаторите на „Ролан Гарос“ објавија дека вториот Грен Слем оваа сезона нема да биде одржан како што е планирано кон крајот на мај и почетокот на јуни поради пандемијата на коронавирусот.
Натпреварувањето во Париз е поместено на есен, односно за периодот од 20 септември до 4 октомври. Титулите од минатата година ги бранат Рафаел Надал (Шпанија). и Ешли Барти (Австралија).
– Целиот свет е зафатен од здравствена криза поврзана со коронавирус. За да се обезбеди здравје и безбедност на сите оние кои се вклучени во организацијата на турнирот, француската тениска федерација одлучи да го одржи годинешното издание на „Ролан Гарос“ од 20 септември до 4 октомври – се вели во соопштението.
The current confinement measures have made it impossible for us to continue with the dates originally planned. More informations : https://t.co/PEITQaR6j5#RolandGarros
— Roland-Garros (@rolandgarros) March 17, 2020
Првиот човек на францускиот тенис, Бернар Жудичели вели дека иако никој не може да предвиди каква ќе биде ситуацијата до 18 мај, сегашните мерки направија дека е невозможно да се продолжат со подготовките и како последица на тоа, не се во можност да го одржат турнирот.
– Донесовме тешка, но храбра одлука во оваа ситуација која еволуираше значително од минатиот викенд. Ние реагираме одговорно и мора да работиме заедно во борбата да бидеме сигурни дека сите бидат здрави и безбедни – рече Жудичели.
Потсетување дека Новак Ѓоковиќ (Србија) кај мажите и Софија Кенин (САД) беа победници на првиот грен слем сезонава во Мелбурн, „Австралија опен“.
Воедно е познато дека поради коронавирусот се прекинати натпреварувањата во АТП и ВТА.