Олимписките игри во Токио кои минатата недела беа одложени за идната година, добија нов датум кога ќе се одржат, свеченото отворање ќе биде на 23. јули, а ќе траат до 8. август 2021 година, објави јапонската телевизиуја НХК, која се повикува на неименувани извори.

Јапонскиот премиер Шинзо Абе, минатиот вторник објави дека ЛОИ во Токио поради пандемијата на коронавирусот се одложуваат на една година со што Токио стана првиот град во 124-годишната историја на модерните олимписки игри, во кој не се одржани во предвидениот датум, исклучувајќи ги годините во првата и втората светска војна кога ОИ беа откажани.

Јапонија во подготовките на Игрите вложи 12 милијарди долари, а се очекува загубите да не се одразат на јапонската економија. Јапонскиот министер за економија, Јасутоши Нишимура изјави дека Владата планира да донесе стимулативен пакет на економски мерки.

– Доколку расходите за ОИ бидат префрлени на идната година тоа значи дека парите ќе ги имаме на располагање уште оваа година – изјави Нишимура.