Повеќе од милијарда евра за новиот стадион на Интер и Милан! (ФОТО)
Идејата е стадионот да стане дел од поширок деловно-комерцијален и спортски комплекс што може да се користи 365 дена годишно.
Екипите на Интер и Милан го претставија планот за новиот стадион „Џузепе Меаца“, кој целосно ќе го промени погледот кон славната фудбалска арена.
Заедничкиот документ го испратија двата лути ривали до италијанските власти во Милано..
Идејата е стадионот да стане дел од поширок деловно-комерцијален и спортски комплекс што може да се користи 365 дена годишно. Планирано е редизајнирањето да заврши до 2024 година.
?️ | STADIO
Inter e Milan hanno presentato i progetti per la rifunzionalizzazione dell’attuale stadio “Giuseppe Meazza” e la creazione di un nuovo Distretto per lo Sport e il Tempo Libero a San Siro
? https://t.co/w6R099XwpD#FCIM @NuovoStadioMI pic.twitter.com/FkM9ZbktrK
— Inter (@Inter) May 7, 2020
– Новите предлози се резултат на конструктивен дијалог со градската администрација и се во согласност со 16 услови што администрацијата ни ги даде во ноември 2019 година – напишано е во заедничкото обраќање на Интер и Милан.
Во овој комплекс би биле опфатени 106.000 квадратни метри зелен простор, скоро двојно повеќе од постојните 56,000 квадратни метри.
– Тоа би бил центар посветен на продажба, спорт, култура и секојдневни активности и внатре и надвор. Вклучувајќи патека за трчање, велосипедизам, теретана на отворено, скејтборд парк, мало фудбалско игралиште и спортски музеи. Повеќето спортски активности би биле бесплатни за граѓаните на Милано и околината – велат од клубовите.
Presentati i progetti per la rifunzionalizzazione dell’attuale stadio “Giuseppe Meazza” e la creazione di un nuovo Distretto per lo Sport e il Tempo Libero a San Siro ➡️ https://t.co/03rwO4pnNW pic.twitter.com/EiXXMue4Hm
— AC Milan (@acmilan) May 7, 2020
Двата концепти носат иновативна околина за следната генерација, со акцент на нискиот отпечаток на животната средина и одржливоста како ново место за состаноци, социјални и рекреативни активности.
– Интер и Милан веруваат дека, во суштина, во поглед на моменталната состојба, неопходно е да се започне проект вреден повеќе од милијарда евра приватни инвестиции, кој ќе генерира илјадници нови работни места и ќе служи како столб на идниот развој на градот и италијанскиот фудбал – информираат миланските клубови.
