Шпанскиот тенисер Рафаел Надал годинава го освои „Австралија опен“, но и после завршувањето на тој грен слем турнир, Новак Ѓоковиќ од Србија ќе остане тенискиот крал.

По поразот на Русинот Данил Медведев во Мелбурн, Ноле ја задржа првата позиција на АТП ранг листата.

Во понеделник српскиот ас ќе ја започне 359 недела на светскиот трон, далеку зад Ѓоковиќ е Рожер Федерер кој со 310 недели беше прв светски рекет. А на оваа вечна листа Рафа е дури шестопласиран со 209 недели.

Како што е веќе познато, подолго на првото место од Ѓоковиќ беше само легендарната германска тенисерка Штефи Граф која владееше 377 недели.

После Ѓоковиќ на АТП листата од понеделник ќе бидат Медведев, Александер Зверев, Стефанос Циципас и Надал.

ВИДЕО | Надал: Ова беше еден од најемотивните мечеви во мојата кариера!