Во однос на пописот на населението што во Македонија не е спроведен речиси 20 години, премиерот Зоран Заев нагласи дека попис во април ќе има и Владата тоа ќе го обезбеди.

-Сите законски и други услови за одржување на пописот се завршени. Законот за попис деновиве, а можеби дури и денеска ќе биде на пленарна седница за конечно усвојување на Законот. Граѓаните бараат попис, на државата и треба пописот, рече премиерот на денешниот отчет по повод 100 дена од работењето на новата Влада.

-Веднаш по формирањето на владата ја потврдивме и определбата за спороведување на попис на населението како еден политички договор предвиден за април наредната година како важен статистички процес кој всушност е дел од планирањето на владината политика, рече вицепремиерот Артан Груби.