Манчестер сити доби дозвола да настапува во Лигата на шампионите откако е укината двегодишната суспензија.

„Граѓаните“ ќе бидат дел од ЛШ и во наредната сезона откако Спортскиот арбитражен суд во Лозана ја прифати жалбата на англискиот тим ја поништи казната. Интересно е што тоа не е компензирано ниту со поголема парична казна, напротив, таа е намалена и сега изнесува 10 милиони евра наместо 30 милиони.

Спортскиот арбитражен суд во Лозана објави дека одлуката на УЕФА била „неоснована и застарена“ па поради тоа одлучија да ја поништат казната на Манчестер сити и уште еднаш потврдија дека богатите клубови можат да ги заобиколуваат правилата на УЕФА за финансиски фер-плеј.

УЕФА претходно го казни Манчестер сити бидејќи ги прекршил правилата на финансискиот фер-плеј од 2012 до 2016 година поради што заработи двегодишна суспензија од Лигата на шампионите.
Сега со одлуката на судот во Лозана, Манчестер сити како второпласиран од оваа сезона, во наредната ќе игра во Лигата на шампионите.