Помпео: Првенствено одговорноста да се грижи за своите бродови е на Велика Британија – Слободен печат
ВестиПланета

Помпео: Првенствено одговорноста да се грижи за своите бродови е на Велика Британија

Притоа тој Иран го нарече „лош режим"  и додаде дека  „тие веќе го направиле тоа што е национално пиратство-национална држава што заробува брод што пловел во меѓународни води".

Американскиот државен секретар Мајк Помпео јасно порача дека Велика Британија треба самата да ја осигура безбедноста на своите бродови во Персискиот залив, пишува европската редакција на Политико.

Во интервју за „Фокс њуз” шефот на американската дипломатија го искоментира  запленувањето на британскиот танкер од иранската револуционерна гарда во петокот во Ормутскиот теснец.

-Првенствено одговорноста да се грижи за своите бродови е на Велика Британија, изјави тој.

Притоа тој Иран го нарече „лош режим”  и додаде дека  „тие веќе го направиле тоа што е национално пиратство-национална држава што заробува брод што пловел во меѓународни води”.

-САД имаат одговорност да ја одиграат својата улога, но светот, исто така, има голема улога во тоа да ги чува отворени овие поморски патишта, рече Помпео.

„Не сакаме војна со Иран. Сакаме да се однесува како нормална држава. Мислам дека тие го разбираат тоа и мислам дека целиот свет веќе го дозна фактот дека заканата е реална”, посочи Помпео.

Танкерот, чиј екипаж го сочинуваат главно Индијци, во моментов е задржан во иранското пристаниште Бандар Абас.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close