Пол Макартни и Ринго Стар од „Битлси“ ќе гостуваат на новиот албум на „Ролинг стоунс“
Речиси 60 години по нивното прво запознавање, се чини дека Мик Џегер и Кит Ричардс ќе соработуваат со Пол Макартни и Ринго Стар од „Битлси“ на новиот албум на „Ролинг стоунс“.
Според изворите на „Варајети“, Макартни веќе ги снимил своите делови со бас-гитара за музичкиот албум, а тапанарот Стар допрва ќе го даде својот придонес за новото дело на легендарните „Стоунси“.
Албумот се снима во студио во Лос Анџелес, но сè уште не се знае точниот датум кога песните ќе бидат објавени и претставени пред обожавателите на квалитетната рок-музика.
Пејачот на „Ролинг стоунс“, Мик Џегер пред две години изјави дека снимиле многу песни, а гитаристот Кит Ричардс нешто пред Нова година потврди дека работат на нова музика.
„Пристигнува некоја нова музика“, напиша Ричардс на Инстаграм.
View this post on Instagram
ВИДЕО | Кога ќе те прободи Аморова стрела: Песни инспирирани од голема, вистинска љубов