Музичарот Ван Хант на Денот на мајката на инстаграм-профилот објави гола фотографија од својата сопруга, актерката Хали Бери (57). На фоторгафијата актерката позира целосно гола на тераса потпрена со задникот на оградата гледајќи во објективот.

„Среќен Ден на мајката од дното на мојата душа. О, не требаше да го објавам ова. Но, мораме да признаеме дека таа е најдобра мајка“, напиша тој покрај фотографијата од Хали.

Оваа провокативна фотографија на холивудската ѕвезда предизвикa бројни коментари, а многу од нив со критика кон Ван.

„Зошто ја покажа на Хали Бери така?; „Како што те фотографира мажот, така те гледа. Среќа“;„Требаше да размисли за нејзините деца пред да објави вакво нешто за нивната мајка“; „Гордоста денес не е ништо, убавината е прашање на суета, шармот е измамен. Жени, не губете ги своите вредности само затоа што живееме во општество каде сексуализацијата е либерализирана. Скромноста и почитта се уште се вреднуваат…“; „Човек не треба јавно да ја покажува својата љубов вака“, беа дел од коментарите.

За потсетување, Хали и Ван се во брак од 2021 година, кога се венчаа во тајност. Хали зад себе има три пропаднати брака.